DEMETRIUS

I.

DEMETRIUS

Cineae frater, Atheniensis, qui in praelio Mantinensi contra Thebanas ceciderat. Polyaen. l. 2.

II.

DEMETRIUS

Croatiae et Dalmatiae D. a Gregorio VII. Regis titulo ornatus. Gregor. l. 7. ep. 4. Baron. A. C. 1076.

III.

DEMETRIUS

Cynicus, sub Caligula, Senec. de Benef. l. 7. c. 8. et 11. summopere laudatus. Muneribus a Caligula tentatus, Toto fui illi experiendus imperio, respondit. Neroni mortem minitanti, Minaris mihi mortem, at tibi Natura, reposuit, Arrian. A. Vespasiano pulsus, Corinthi diu egit. Discipulus Apollonii Thyanaei, Philostr. l. 4. c. 8. vitae huius. Cum Thrasea; ad mortem condemnato, de animae natura disseruit. Tacit. l. 1. Annal. c. 16. l. 4 Hist. c. 34. 35. Phavorin. in Orat.

IV.

DEMETRIUS

Dianae servus, et Poenius, manum summam templo Dianae Ephesiae imposuêrunt, Vitruv. l. 7. Praefat. Graece Ι῾ερόδουλος, et πρόπολος τῆς Α᾿ρτέμιδος. vide Salmas. ad Solin. p. 814. De Demetrio vero ναοποιῷ, cuius mentio in Actis, infra, in voce Templum.

V.

DEMETRIUS

Grammaticus, aliquoties laudatus, a Scholiorum auctore, in Aristoph. fabulas. vide in Vesp. 446. A. Aves 614. A.2.

VI.

DEMETRIUS

Magus e Graecia, cui Hadrianus VI. Pontifex Rom. ad avertendam pestem, quae gravissime in urbe saeviebat, concessit, ut silvestrem taurum Diis Gentilium, ad placandum eorum iram, mactaret: Quo facto lues cessavit, Iov. tom. 2. l. 21. Circa A. C. 1522.

VII.

DEMETRIUS

Patr. Alexandrinus, post Iulianum, A.C.190. Euseb. Caesar. Chron. Origenis evirationem reprehendit, inqueve eius opera censurâ strictâ, quod errores sequeretur, eum excommunicavit. Praefuit Ann. 43. Successit Heraclas, A. C. 234. Onuphr. in Chron. Euseb. hist. l. 5. et 6.

VIII.

DEMETRIUS

Philippi huius fil. Romae obses, Patrem coram Senatu accusatum, modestiâ suâ, absolvit. Post reditum in Macedoniam, tantis plausibus exceptus a populo est, ut invidiâ percitus frater eius Perseus, per subornatos falsos testes, Patri eum suspectum reddiderit, qui nimium calumniae credulus, veneno filium sustulit; cuius innocentiâ sero cognitâ, prae maerore obiit, Perseo exheredato Liv. l. 40. c. 20. Polyb. frag. Iustin. l. 32. c. 3.

IX.

DEMETRIUS

de Regibus Iudaeorum, deque captivitate eorum, scripsit. Hieron. Cat. c. 38. Clem. 1. Strom.

X.

DEMETRIUS

inter corporis custodis Alexandri Mag. coniurationis in Regem particeps Dymno Curt. l. 6. c. 7.

XI.

DEMETRIUS

nomen etiam argentarii cuiusdam, Act. c. 19. v. 24. Plurimi praeterea Demetrii fuêre, de quibus doctissimus Menagius, ad Laert. p. 132. ad quem studiosum lectorem remitto.